АМУЛИЈАНИ

Амулијани е мал остров и сè попопуларна дестинација за одмор меѓу нашите туристи.
Островот припаѓа на таканаречениот трет крак на Халкидики, Атос.
Зошто Амулијани е сè попопуларен?
Пред се поради многу чистото море и прекрасните плажи. Островот е мал, но на многу кратки растојанија можете да уживате во десетина прекрасни плажи со исклучително чисто море. Најпозната и најубава плажа е Алиќес, но многу убави се и Агиос Георгиос, Мегали Амос, Карагација и неколку мали заливи.
Островот е оддалечен само две наутички милји од копното и потребни се околу 10 минути со траект за да стигнете таму.
Амулијани има само една голема населба и таму се приклучува траект. Целиот остров има околу 600 жители. Најголемото место се вика исто како островот, а има се што ви треба за целосен одмор, десетици сместувања, аптеки, лекар, неколку таверни, брза храна (гиро), слаткарници, пекари, супермаркети, забавен парк, кафулиња и шеталиште.